Laganap ang krimen sa lahat ng bansa
Pero sa Philippines ito ay malubha;
Marami ang taong dito ay masama
Batas ng gobyerno’y binabale-wala!
Ang bisyo sa droga ay laganap ngayon
Mga kabataan dito’y nauulol;
Kapagka bangag na’y walang panginoon
Nagiging kriminal saanman naroon!
Sa jueteng at sugal maraming sugapa
At dito’y kabilang ang matanda’t bata;
Sa mga tahana;y hindi nawawala
Ang ama at anak ay nagpapanaga!
Sana ay magbalik lumipas na araw
Na ang kabataan mabuting patnubay;
Malayo sa bisyo sa droga at sugal
At hangad ng puso ay mabuting buhay!