Mabalahibong dibdib at size ng penis

KARAMIHAN sa mga lalaking Brazilian ay malalago ang balahibo sa dibdib. At nagpoprotesta sila sa advertisement ng Gillete razors na nagsabing mas gusto ng mga kababaihan ang mga lalaking walang balahibo sa dibdib. In short, dapat ahitin ang balahibo. Sabi ng mga kalalakihan, nakaka-offend ang ad. Sabi naman ng tagapagsalita ng Gillete, hindi nila intensiyong maka-offend.

Samantala, sa Britain, nagrereklamo naman ang isang lalaki ukol sa advertisement na isang capsule ang maaaring magpalaki sa size ng penis. Ayon sa reklamo ng lalaki na ipinaabot sa Advertising Standards Authority, pinadalhan daw siya ng sulat at inaalok ng capsule na magpapalaki ng kanyang penis. Masyado raw nakaka-offend ang sulat sapagkat pinalalabas na maliit ang size ng kanyang penis.

Makaraang pag-aralan ng ASA ang reklamo ng lalaki, ipinatigil na ang advertisement.