Kailan ka magtatapon ng gamit?

Magpalit ng unan taun-taon. Pinamamahayan ito ng bacteria na nagi­ging dahilan ng allergy.

Magpalit ng kutson tuwing ika-5 o ika-7 taon.  Ayon sa pag-aaral ng Oklahoma State University, ang mga taong nagpapalit ng kutson tuwing ika-5 taon ay nakakatulog nang mas mahimbing at nababawasan ang sakit sa likod.

Palitan ang smoke alarm tuwing ika-10 taon pero i-tsek buwan-buwan ang battery nito para malaman kung maayos ito. Ang sensor ng smoke alarm ay humihina ang performance habang naluluma.

Ang air conditioner ay tumatagal hanggang 15 years kung ito ay suma­sailalim sa annual servicing. I-tsek ang filter tuwing ika-6 na linggo.

Itapon ang mga pills na nasa medicine cabinet 2 taon matapos bilhin kung halimbawang nabura o walang nakalagay na expiration date sa wrapper.

Itapon ang fire extinguisher na 10 taong hindi nagagamit. Ngunit kung ito ay rechargeable, ipa-service ito tuwing bumababa ang pressure.

Itapon ang contact lens solution after 3 months.

Palitan ang toothbrush tuwing ikatlo o ikaapat na buwan.

Itapon ang mascara sa ika-6 nitong  buwan pagkatapos buksan. Ang bacteria ay namamahay sa applicator ng mascara dahil ito ang labas-masok sa lalagyan. Pagpasok ng applicator ay diretso ang bacteria sa mismong mascara na iaaplay naman sa eyelashes.

Itapon ang natirang anti­bacterial cream na ginamit sa sugat pagkatapos ng isang taon.

Itapon ang dandruff shampoo pagkatapos ng 3 taon.