Peryahan grinanada; isa todas

MANILA, Philippines — Isang 32-anyos na lalaki ang nasawi nang masabugan ng granada na inihagis sa isang peryahan sa Sitio Condring, Barangay Marbel, Matalam, Cotabato nitong bisperas ng Bagong Taon.

Sa ulat kahapon ni Col. Gilbert Tuzon, Cotabato provincial police director na ang biktimang nasawi ay sanhi ng mga tama ng grenade shrapnel ay kinilalang si Romel Presto Cabiso, residente ng Matalam.

 Ayon sa mga opisyal ng Matalam Municipal Police Station, bu­magsak ang granadang itinapon sa loob ng peryahan ng isang hindi pa nakikilalang lalaki sa tapat mismo ng kung saan nakatayo si Cabiso at doon sumabog.

Mabilis na nakatakas ang salarin na pinaghahanap na mga pulis at mga mga tropa ng 602nd Infantry Brigade ng Philippine Army.