Dapat pagtulungan ang pagbaba ng inflation – Romualdez

MANILA, Philippines — “Dapat magtulungan ang lahat upang tuluyan pang mapababa ang inflation rate.”

Ito ang iginiit kahapon ni House Speaker Martin Romualdez matapos bumaba sa 1.9 percent ang inflation ng bansa noong Setyembre.

Ayon kay Romualdez, hindi lang dapat ang Pangulong Marcos at iba pang sangay ng pamahalaan ang kumilos para bumaba ang inflation ng bansa o pagmura ng mga bilihin kundi pati ang pribadong sektor.

“I believe resulta yan ng pagpababa ng taripa ng imported rice ng pa­ngulo para bumaba ang presyo ng bigas at iba pang bilihin,” wika ni Romualdez.

“Ang pagpondo naman ng Kongreso sa social services ng gob­yerno, making sure na nabibigyan ng ayuda tulad ng bigas at pera ang mga mahihirap, contributed sa pagbaba ng inflation natin,” dagdag ni Romualdez.

Dagdag pa niya, “ang pagpondo naman ng Kongreso sa social services ng gobyerno, making sure na nabibigyan ng ayuda tulad ng bigas at pera ang mga mahihirap, contributed sa pagbaba ng inflation natin.”

Ayon sa National Economic and Development Authority (NEDA) ang mga efforts ng pamahalaan para gawan ng solusyon mapababa ang inflation ay nararamdaman na.