3 preso tumakas sa kulungan ng Taytay - PNP

MANILA, Philippines — Tatlong preso na nahaharap sa kasong illegal drugs ang tumakas sa police custodial facility sa Taytay, Rizal, kahapon ng madaling araw.

Kinilala ang mga tumakas na preso na sina Danny Cancino; Kurt Cavasal; at Ronald Barrera matapos wasakin ang bakal na harang sa may kusina na ang tagos ay ang fish port custodial facility sa Samagta floodway, Barangay San Juan, pasado alas-4:45 ng madaling araw.

Ayon sa pulisya, sinamantala ng mga preso ang masamang panahon dulot ng bagyong Enteng sa ginawang pagtakas.

Nadiskubre ng isang panggabing bantay ang insidente na agad niyang iniulat sa kanyang hepe.

Naglabas na ng tig-P10,000 pabuya sa sinumang makakapagtuturo sa kinaroroonan ng mga tumakas.