Negosyanteng babae, dalaga kinatay sa condo
Tinodas ng lover na tomboy…
MANILA, Philippines — Kapwa natagpuang patay dahil sa mga tama ng saksak sa iba’t ibang bahagi ng katawan ang dalawang babae sa loob ng kuwarto ng tinitirhan nilang condominium sa Brgy. Bayan Luma 2, Imus City, Cavite, kamakalawa.
Kinilala ang mga nasawi na sina Aldena Tano Popelo, 48, businesswoman; at kaanak na si Jenelyn Salvador, 19, kapwa residente ng Room I, Villa Celestine Condominium, Doña Dionesia Subdivision Gate 2, Brgy. Bayan Luma 2, Imus City, Cavite.
Sa salaysay ng lalaking kapatid ng biktimang si Salvador, bago nadiskubre ang bangkay ng dalawa, alas-8:00 ng umaga ay pinuntahan nito ang kapatid sa puwesto nito sa Imus City Public Market, dahil hindi pa ito nagbubukas ng pwesto hindi naman dati nangyayari.
Kaya’t nagtungo ito sa condo ng kapatid at pagpasok pa lang nito sa pinto ay nakakita na niya ang mga patak ng dugo.
Ayon sa mga nakatira sa katabing unit ng mga biktima, alas-10:30 ng gabi ay nakarinig sila ng ingay at tila nag-aaway mula sa unit ng mga biktima na ang kaaway umano ay ang kinakasamang tomboy ni Popelo na kinilalang si alyas Mona, 60.
Narekober ng pulisya sa kuwarto ng mga biktima ang duguang icepick na posibleng ginamit ng suspek sa pagpatay na kasalukuyan ng pinaghahanap.
Hinala ng pulisya na selos ang posibleng motibo ng suspek sa pagpatay sa mga biktima.
- Latest
