Defense cooperation arrangement ng Pinas at Germany tinatrabaho na

MANILA, Philippines — Magkaroon ng kasunduan ng security at defense agreement para mapalakas pa ang ugnayan.

Ito ang balak ng Pilipinas nang courtesy call si German Federal Defence Minister Boris Pistorius kay Pangulong Ferdinand Marcos sa Malacañang at sinabi nito na sisikapin ng kanilang hanay na maplantsa ang kasunduan ngayong taon.

Sinabi pa ni Pistorius, na nakausap na niya si Defense Secretary Gilbert Teodoro tungkol sa nasabing kasunduan at nais nilang magkaroon ng security at defense agreement sa pagitan ng dalawng bansa.

Target aniya ng dalawang lider na lagdaan ang kasunduan hanggang sa katapusan ng taon.

Sinabi pa ni Pistorius na naipadala na nila ang draft ng kasunduan noong nakaraang linggo at patuloy pa rin nila itong pinaplantsa.

Nagpahayag naman ng pasasalamat si Pa­ngulong Marcos sa Germany para sa pagsuporta sa rules-based international law na pinanghahawakan ng Pilipinas sa gitna ng patuloy na usapin sa West Philippine Seas (WPS).

Kasama ng German defense minister na nakipag- courtesy call kay Pangulong Marcos si German Ambassador to the Philippines Andreas Pffafernoshcke.