Public school teachers at non-teaching staff sa Taguig, may libreng annual at physical examination
MANILA, Philippines — Nagbibigay ng libreng taunang physical examination ang Taguig City para sa humigit-kumulang 5,000 guro at non-teaching personnel sa lahat ng pampublikong elementarya at high school sa loob ng lungsod.
Ang inisyatibong ito, na nakatakda mula Hulyo 1-31, 2024, ay naglalayong isulong ang preventive healthcare at maagapan ang posibleng mga problema sa kalusugan, na lahat ng gastos ay sasagutin ng lokal na pamahalaan. Bagama’t hindi mandatory ang taunang physical exam, pinili ng Lungsod ng Taguig na ialok ito sa parehong guro at non-teaching staff.
Ang desisyong ito ay nagpapakita ng dedikasyon ng lungsod sa kalusugan at kagalingan ng mga tagapagturo. Bukod dito, upang mabawasan ang external health risks sa mga estudyante, ang mga serbisyong medikal na ito ay isinasagawa sa loob ng mga paaralan.
Sakop ng taunang physical examination ang isang komprehensibong hanay ng mga health assessment, kabilang ang: Physical examination, pagsusuri ng vital signs chest x-ray complete blood count (CBC), dental assessment, visual acuity check, clinical breast exam, pap smear.
Ang Taguig ay isa sa iilang lokal na pamahalaan sa bansa na nag-aalok ng libreng taunang physical examination, na kinikilala ang mahalagang papel ng mga guro at non-teaching personnel sa paghubog ng kinabukasan ng kabataang Taguigeño.
“Ensuring the health and well-being of our educators is vital to the future of our community. By providing free annual physical examinations, we are investing in the heart of our education system – our teachers and staff. This initiative not only promotes preventive healthcare but also demonstrates our unwavering commitment to supporting those who shape the minds of our youth,” sabi ni Mayor Lani Cayetano.
- Latest
