2 rider patay sa salpukan

MANILA, Philippines — Dalawang motorcycle rider ang nasawi sa magkasunod na salpukan sa Brgy. San Roque, San Rafael, Bulacan.

Kinilala ang mga nasawing biktima na sina Marvin Bognot, 24, binata, ng Brgy. Maguinao; at Amiel Sebastian.

Sa ulat, alas-10:50 ng gabi ay binabagtas ni Bognot ang Cagayan Valley Road nang sa masalpok ng bus na minamaneho ni Ronaldo Cruz, 43.

Dumating ang mga rescue team at dinala sa ospital si Bognot, subalit hindi na umabot ng buhay.

Ilang minuto ang nakakalipas sa naturang lugar pa rin ay nahagip naman ng puting Toyota Fortuner ang motorsiklo ni Sebastian at isa pang motorsiklong minamaneho ni John Eric.

Tumilapon ang mga rider sa motorsiklo at nagtamo ng matinding pinsala sa ibat-ibang parte ng katawan na kung saan ay dinala sila sa pagamutan, subalit namatay si Sebastian. Ang mga driver na nakabangga ay nakatakdang kasuhan.