2 illegal gun dealer naaresto sa buy-bust
MANILA, Philippines — Dalawang illegal gun dealer ang naaresto sa isang buy-bust operation ng mga operatiba ng Criminal Investigation and Detection Group, kamakalawa sa Alamada, Cotabato.
Kinilala ni Lt. Col. Allan Huesca, regional chief ng CIDG-Bangsamoro Autonomous Region, ang dalawang suspects, na sina Marlon Danding at Saddam Polayagan na nasamsaman ng dalawang caliber .30 M1 Garand rifle at .45 caliber pistol.
Bago ito, ay may kumakalat na mga text messages sa Alamada at mga karatig bayan sa Cotabato na nagsasabing kilalang mga gunrunners sina Danding at Polayagan na nagbebenta ng mga walang lisensyang baril at ilan sa kanilang mga nabentahan na ay mga residente ng ilan sa 63 Bangsamoro barangays sa probinsya na sakop ng BARMM.
Kaya’t isinagawa ang buy-bust operation at nang kumagat ang dalawang suspek ay inaresto ang mga ito.
- Latest
