Sunog sa Tondo: 22-anyos dalaga namatay
MANILA, Philippines — Patay na nang matagpuan ang 22-anyos na si Asley Lorente, dalaga, nang makulong sa nasusunog nilang bahay sa Tondo, Maynila kamakalawa ng hapon.
Sa inisyal na ulat ng Bureau of Fire Protection, alas-3:58 ng hapon nang mag-umpisa ang sunog sa bahay ng isang Stephanie Ajedo sa kanto ng Mayhaligue at Masangkay St.,Tondo.
Matapos ang higit 20 minuto, nakontrol ng mga bumbero ang apoy, alas-4:20 ng hapon at tuluyang naapula, alas-4:28 ng hapon.
Natagpuan sa clearing operation ang labi ni Lorente na nakalugmok patagilid sa kaniyang bahay. Hinihinala na nalagutan ng buhay ang babae nang mahirapang makahinga dahil sa makapal na usok.
Tinatayang 50 pamilya ang nawalan ng bahay sa insidente habang umabot lamang sa P50,000 ang estimasyon ng BFP na halaga ng natupok na ari-arian.
- Latest
