PNP: Pagdiriwang ng Pasko sa buong bansa, mapayapa

MANILA, Philippines — Naging payapa sa pangkalahatan ang pagdiriwang ng Pasko ng sambayanang Pilipino.

Ayon kay PNP Public Information Office chief, P/Col. Jean Fajardo, “generally peaceful” ang selebrasyon ng Pasko sa bansa at wala silang naitalang anumang “untoward incident” sa nakalipas na magdamag.

Samantala, sa mensahe ni PNP chief, P/Gen. Benjamin Acorda Jr., tiniyak nito ang buong pusong pagli­lingkod ng kanyang mga pulis para sa peace and order at kaligtasan ng publiko.

Nakikiisa aniya ang mahigit 232,000 pu­wersa ng PNP ngayong yuletide season.

Gayunman, sinabi ni Acorda na hindi magpapaka-kampante ang pulisya at mananatili rin silang naka-alerto lalo’t bukas, ipagdiriwang ng CPP-NPA ang kanilang ika-55 anibersaryo.