Magnitude 5.0 lindol sa Batangas, ramdam sa Metro Manila at ilang bahagi ng Luzon

MANILA, Philippines — Niyanig ng lindol kahapon ng umaga ang ilang bahagi ng Luzon.

Batay sa update ng Philippine Institute of Volca­nology and Seismology (PHIVOLCS), nagkaroon ng magnitude 5.0 lindol, alas-8:24 ng umaga sa Calaca, Batangas. Ang pagyanig ay naitala sa 13.89°N, 120.78°E – 005 km S 39° W ng Calaca, Batangas. May lalim itong 014 kilometer.

Bukod sa Batangas, naramdaman din ang pagyanig sa ilang bahagi ng Metro Manila, Cavite, Marin­duque, Mindoro, Bulacan, at Quezon.

Sa ulat pa ng Phivolcs, naramdaman ang Instrumental Intensities na Intensity V–Lemery, Batan­gas; Intensity IV–Cuenca, Bauan, Sta. Teresita, and San Luis, Batangas; Tagaytay City, Cavite; Muntinlupa City, Metro Manila; Intensity III–Laurel, Batangas City, Batangas; Tagaytay City, Cavite; Dolores, Quezon; Intensity II–Talisay, and Rosario, Batangas; Magallanes, Cavite; Boac, Marinduque; City of Las Piñas, City of Pasay, Metro Manila; Puerto Galera, Oriental Mindoro; Mauban, Polillo, and Gumaca, Quezon; Taytay, Antipolo, Rizal at Intensity I – Dinalupihan, Bataan; Malvar, Batangas; Malolos City, and Guiguinto, Bulacan; Ternate, Cavite; San Pablo, Laguna; Malabon City, Pateros, City of San Juan, City of Parañaque, Metro Manila; Abra De Ilog, and Mamburao, Occidental Mindoro; Lucban, Lucena City, and Alabat, Quezon; Tanay, Rizal.