MANILA, Philippines — Inihayag kahapon ng mga militar na isa sa mga itinuturong suspek sa pagpatay kay Negros Oriental Governor Roel Degamo ay isang dating miyembro ng New People’s Army (NPA).
Kinilala ang napatay, ang ex-NPA member na si Arnil Labradilla sa hot pursuit operation na ikinasa sa Brgy. Cansumalig, Bayawan City, noong gabi ng Marso 4.
Ayon kay Major Cenon Pancito ng Special Joint Task Force Negros, na isang patunay na may sapat na combat experience ang mga suspek sa pagpatay sa gobernador.
Sa kasalukuyan, anim sa 10 suspek na umatake sa bahay ni Degamo sa Pamplona, Negros Oriental ang nasa kamay na ng mga otoridad habang apat pa ang pinaghahanap.
Idiniin naman ng Special Joint Task Force, na hindi sapat na matunton lamang ang mga suspek sa pamamaril kay Degamo kundi dapat ay matunton din ang nasa likod ng planong pagpatay sa biktima.