MANILA, Philippines — Bilang bahagi ng pagpapalakas sa kapabilidad ay nakatakdang magpatupad ng balasahan sa anim na station commanders ng Manila Police Districts (MPD).
Sa kautusan ni MPD Director P/BrigGen Andre Dizon, inalis sa Sta. Cruz Police Station 3 si P/LtCol Jonathan Villamor at inilipat sa Jose Abad Santos Police Station 7.
Itinalaga naman si P/LtCol Ramon Solas bilang bagong commander ng Station 3.
Inilipat si dating Station 7 commander P/LtCol Robert Domingo bilang hepe ng District Intelligence Division Management (DIDM) sa MPD Headquarters.
Nagpalitan naman ng puwesto sina P/LtCol Jay Doles na bagong hepe ng Moriones Police Station 12 at si P/LtCol Restituto Acohon na bagong commander naman ng Sampaloc Police Station 4.
Itinalaga bilang commander ng Pandacan Police Station 10 si P/LtCol Maria Agbon habang bagong hepe ng Meisic Police Station 11 si P/LtCol Rexson Layug.
Isinagawa ang simpleng turn-over ceremony nitong Biyernes sa loob ng MPD Headquarters-Bulwagan.