MANILA, Philippines — Papasok ngayong araw ng Sabado ang bagyong Nando, ang ika -14 na bagyo na papasok sa Philippine area of responsibility (PAR).
Ito ang iniulat ng Philippine Atmospheric, Geophysical and Astronomical Services Administration (PAGASA).
Namataan kahapon ng alas-10:00 ng umaga, si Nando ay nasa labas ng PAR sa layong 1,805 kilometro ng silangan ng Central Luzon taglay ang lakas ng hangin na umaabot sa 45 kilometro bawat oras malapit sa gitna at may pagbugso ng hangin na umaabot sa 55 kilometro bawat oras.
Si Nando ay inaasahang kikilos pakanluran hilagang kanluran.
Sa susunod na 36 oras, inaasahang magsasanib si Bagyong Nando at Bagyong Maring at kikilos sa pangkalahatang direksyon ng hilagang kanlurang bahagi ng bansa.
Si Nando ay hindi pa kinakikitaang direktang makakaapekto sa weather condition ng bansa sa susunod na 36 oras.