MANILA, Philippines — Malaki ang makukuhang benepisyong dala ng 4G mobile technology lalo na ngayong nasa panahon ng pandemya tulad ng work from home, online schooling at iba pa na gumagamit ng internet.
Sinabi ni Globe president and CEO Ernest Cu na nais nilang higit na maranasan ng kanilang mga customer bukod sa pagtext, pagtawag at pagkuha ng larawan ang magagawa ng 4G data connectivity.
Kaya naman pinaghusay ng Globe ang kanilang serbisyo pagdating sa connectivity at data experience sa kanilang mga customer na patuloy pa ring nagtitiyaga sa kanilang 2G/3G Subscriber Identification Module (SIM) cards.
Upang malaman kung ang SIM card ay 4G-capable, kinakailangan lamang ng mga Globe postpaid at prepaid customers na i-text ang SIM CHECK sa 8080. Para sa mga gumagamit pa rin ng 2G/3G SIM maaaring dalhin ang inyong SIM sa pinakamalapit na Globe stores para makapag-upgrade sa 4G SIM ng libre.