MANILA, Philippines — Dead on the spot ang isang city councilor nang ito ay pagbabarilin ng hindi pa nakilalang kalalakihan na sakay ng motorsiklo sa kahabaan ng national highway, Brgy. Villareal, Bayawan City, Negros Oriental kahapon ng umaga.
Ang nasawi dahil sa mga tama ng bala sa iba’t ibang bahagi ng katawan ay kinilalang si Alex Tizon, 66, konsehal sa Bayawan City.
Sa ulat, bago nangyari ang insidente, alas-10:40 ng umaga sa kahabaan ng national highway sa Brgy. Villareal, Bayawan City ay kasalukuyang minamaneho ng biktima ang kaniyang Izusu Sportivo (FHM 231) na galing Bayawan City patungong Brgy. Villareal ng lungsod nang sundan ito ng mga suspek na sakay ng isang motorsiklo.
Pagsapit sa lugar ay biglang nag-overtake ang motorsiklo sa behikulo ng biktima at pinagbabaril ng mga salarin.