2 ‘pusher’ dedo sa drug ops

MANILA, Philippines — Bulagta ang dalawang sinasabing kilabot na pusher ng droga sa isinagawang buy-bust operation kahapon ng madaling araw sa Brgy. Dulong Bayan, San Jose del Monte City, Bulacan.

Kinilala ni P/Lt.Col. Orlando Castil Jr., hepe ng San Jose del Monte Police ang dalawang suspek na si Jhodie Magla­lang, nasa hustong gulang at isang nakilala lamang sa alyas na “Boy”.

Napatay ang dalawang suspek matapos na makipagbarilan sa mga otoridad sa isinagawang operasyon sa nasabing barangay dakong ala-1:50 ng madaling araw.

Ang dalawang suspek ay pawang nasa listahan ng drug watchlist ng pulisya.

Narekober sa pinangyarihan ng insidente ang 19 na plastic sachet ng shabu, isang sumpak, isang hand gun at buy-bust money.