7-anyos gutay sa granada
MANILA, Philippines — Nagutay ang katawan ng isang 7-anyos na batang lalaki matapos na sumambulat ang bala ng M203 granade na kanyang pinukpok kamakalawa sa Sitio Breeding, Brgy. Nasucob, Bulalacao, Oriental Mindoro.
Kinilala ni Supt. Imelda Tolentino, Spokesperson ng MIMAROPA (Mindoro, Marinduque, Romblon at Palawan) Police ang nasawing si Glenrey Osorio na naputulan ng braso at nawakwak ang katawan.
Sa imbestigasyon, bago nangyari ang insidente bandang alas-12:15 ng tanghali ay napulot ng biktima ang nasabing bala ng M 203 grenade launcher na dinala nito sa kanilang bahay sa pag-aakalang isa lamang itong uri ng laruan.
Dala ng kuryusidad ay kumuha ito ng martilyo at pinukpok nang pinukpok ang M203 grenade launcher hanggang sa ito ay sumabog.
Bagama’t nagawa pang maisugod sa Bulalacao Community Hospital ay idineklara itong dead-on-arrival. -
- Latest
