MANILA, Philippines - Nasawi habang nilalapatan ng lunas sa ospital ang tatlong batang magkakapatid makaraang kumain ng butete habang nakaligtas naman ang kanilang ama na naganap noong Huwebes sa Brgy.Cabugao, Siruma, Camarines Sur.
Kinilala ang mga nasawing magkakapatid na sina Jovelyn Alano, Rea Charm Alano, at Jhonwen Alano.
Nagawa namang mailigtas ang ama nilang si Joel Alano.
Nabatid na nahuli ng ama ang butete sa dagat na kanilang inulam sa hapunan at ilang sandali matapos makakain ay nakaranas na ang mga ito ng pagsusuka at pagtatae.
Dinala ang mga ito sa ospital, subalit hindi na nagawang mailigtas ang tatlong bata.