8 tripulante inutas ng pirate

MANILA, Philippines - Walong tripulante ng isang fishing vessel ang nasawi nang sila ay pagbabarilin ng mga pirata sa karagatang sakop ng Zamboanga City.

Batay sa nakuhang impormasyon ni Coast Guard Spokesperson Commander Armdand Balilo, nilusob ng mga pirata ang FB NR o Hulbot-Hulbot habang naglalayag sa bisinidad ng Siromon Island, 11 Island Group, Zamboanga City.

Inaalam pa ang pangalan ng walong nasawi habang lima ang nawawala nang tumalon  sa dagat habang dalawa ang nakaligtas na nakilalang sina Nomar Sakandal at Ervin Banaan.

Nagsagawa ng search and rescue operation ang  mga Philippine Coast Guard sa limang tumalon.Habang ang dalawang nakaligtas ay hawak na ng pulisya.