MANILA, Philippines – Tatlong drug personalities ang nasawi makaraang umanong manlaban sa mga operatiba sa magkahiwalay na anti-drug operation sa Quezon City at Pasig City.
Kinilala ang mga nasawi sa QC na sina Joel Cabasus, 33 at Ruel Faron, pawang residente ng Brgy. Payatas.
Nabatid na magsasagawa ng search warrant ang pulisya sa bahay ni Cabasus sa Kalamyong St.,subalit habang paparating ang mga operatiba ay naispatan sila ni Faron na nagsilbing look-out dahilan para maalarma ito at magtatakbo patungo sa bahay ng una dahilan para habulin siya ng mga pulis.
Nagsisigaw si Faron ng “Joel may mga Pulis” at pumasok sa loob ng bahay ni Cabusas saka kapwa nagbunot sila ng kanilang mga baril at pinaputukan ang mga operatiba na nagresulta sa palitan ng putok hanggang sa sila ay mapatay.
Sa Pasig City ay napatay naman ang isang lalaki na sinasabing drug pusher nang manlaban umano sa mga pulis sa isinagawang buy bust operation sa Pasig City, kahapon ng mada?ing araw.
Ang napatay ay kinilalang si Rodrigo Tuliao, nasa hustong gulang na nakatira sa Sitio Buli Creek, Brgy. San Miguel, Pasig City.
Nabatid na dakong alas-2:10 ng madaling araw nang magsagawa ng buy bust operation ?aban kay Tuliao at nagkunwaring bibili ng droga si PO1 Ryan Christopher Mationg.
Pero natunugan ng suspek na ang kanyang ka-transaksiyon ay pulis kaya binunot nito ang kanyang baril saka pinaputukan ang pulis pero hindi tinamaan.
Gumanti ng putok ang pulis at ?inamaan sa katawan si Tuliao na nagresulta ng kanyang kamatayan.
Nakuha sa pinangyarihan ng insidente ang isang kalibre 38 baril na may bala, 1,000 mark money at pitong sachet ng hinihinalang ipinagbabawal na gamot.