MANILA, Philippines - Tatlong katao na umano ay pangunahing pumatay sa isang barangay chairman ang napatay ng mga otoridad nang manlaban umano ang mga ito sa Brgy. Lanote, Isabela City, Basilan kamakalawa.
Ang mga nasawing suspek ay kinilalang sina Daud Anjawani, anak nitong si Jerome at isang alyas Marcos.
Nabatid na aarestuhin ng mga pulis dakong alas-2:30 ng hapon ang mga suspek, subalit nanlaban ang mga ito.
Ang tatlo ay itinuturong kabilang sa limang armadong kalalakihan na responsable sa pamamaril at pagkakapatay sa biktimang si Omar Asahad, Brgy. Chairman sa Mebak sa bayan ng Sumisip na nangyari matapos itong dumalo sa pagdarasal sa Eid’l Adha noong Lunes.
Kasalukuyang pauwi na sa kanilang bahay ang biktima nang harangin at pagbabarilin ng mga armadong salarin.