No permit, no rally sa EDSA anniversary

MANILA, Philippines – Ipatutupad ng Natio­nal Capital Region Police Office (NCRPO) ang ‘no permit, no rally policy’ kaugnay ng gaganaping ika-30 taong anibersaryo ngayong araw.

Sinabi ni NCRPO Spokesperson Chief Inspector Kimberly  Gonzales-Molitas na handa na ang kanilang puwersa kaugnay ng ipatutupad na seguridad sa makasaysa­yang okasyon.

Itinaas na sa full alert status ng NCRPO ang kanilang hanay para matiyak na magiging mapayapa ang paggunita sa People’s Power Revolution.

Ang full alert status ay tatagal naman hanggang Pebrero 26, 2016  o hanggang sa ibaba na ng NCRPO ang kanilang alert status.