Surigao del Norte niyanig ng lindol

MANILA, Philippines – Niyanig ng 5.2 magnitude na lindol ang ilang bahagi ng Caraga Region kahapon ng umaga.

Sa ulat ng Philippine Institute of Volcanology and Seismology (Phi­volcs), naitala ang pagyanig sa may 30 kilo­metrong layo sa karagatan ng hilagang silangan ng San Isidro, Surigao del Norte bandang alas-6:11 ng umaga.

Samantala, naramdaman naman ang intensity 4 sa mga bayan ng San Isidro, Burgos at Santa Monica sa Surigado del Norte; Intensity 3 sa Surigao City, at Intensity 2 sa bayan ng Loreto, Dinagat Province; mga bayan ng Mainit at Socorro sa Surigao del Norte.

Kaugnay nito, naitala rin ang mga instrumental Intensities tulad ng Intensity 3 sa Surigao City.

Wala namang inasa­hang nawasak na ari-arian subalit may posibilidad na magkaroon ng mga aftershock.

Nabatid na alas 4:04 ng madaling araw nang unang yanigin ng magnitude 3.2 lindol ang timog kanluran sa bayan ng San Isidro, Surigao del Norte.