15 grabe sa bumaliktad na sasakyan

MANILA, Philippines - Labinlimang pasahero ang malubhang nasugatan makaraang bumaliktad ang pampasaherong jeepney sa gilid ng bulubunduking highway sa Barangay Lunas, bayan ng Barlig, Mt. Province kamakalawa. ?

Sa imbestigasyon ng pulisya, nabitin at huminto sa paakyat na bahagi ng kalsada ang jeepney (AYE-869) na minamaneho ni Arnold Sendrijas kaya ito umatras at bumaliktad sa gilid ng bundok dakong alas-9:30 ng umaga.?

Naisugod sa Barlig District Hospital, Luis Hora Memorial Hospital sa Bauko at Bontoc Provincial Hospital ang mga pasaherong nagkabalibali ang buto na karamihan ay matatanda at nakaupo sa bubungan ng sasakyan.

Ayon kay Mt. Province PNP director P/Senior Supt. Oliver Enmodias, ang mga sugatang biktima ay bahagi ng 30-pasahero na patungong bayan ng Natonin.?