9-anyos ni-rape ng stepdad

MANILA, Philippines – Isang taho vendor ang dinakip matapos nitong gahasain ang kanyang 9-anyos na stepdaughter kamakalawa ng gabi sa Caloocan City.

Ang suspek na nakakulong na sa Caloocan City Police detention cell sa kasong paglabag sa Republic Act  8353 (otherwise known as the Anti-Rape Law in relation to R.A 7610 or Anti-Child Abuse Law) ay si Jan Loel Aranita, 30, ng 5982 Quisumbing St., Area D, Camarin, Barangay 178 ng lungsod.

Sa ulat ng pulisya na ang panghahalay ay nangyari alas-6:30 ng gabi kung saan ang biktima at suspek ang naiwan sa bahay habang wala ang ina at nakakatandang kapatid na babae   na nasa palengke.

Sinabi ng biktima inutusan siya ng suspek na isara ang pintuan at saka ito hinila hanggang sa pinaghahalikan kahit na nanlaban ay tinakot siya ng suspek na papatayin at naiskatuparan ang panggagahasa dito.

Nang pag-uwi ng ina ng biktima  at ate ay agad na isinumbong ang ginawa ng suspek sa kanya kaya’t ito ay ipinahuli.