MANILA, Philippines – Dead on the spot ang isang 33-anyos na elevator boy matapos na saksakin ng sariling bayaw nang umawat ang una sa pananampal ng suspek sa kanyang misis na kanyang kapatid kamakalawa ng gabi sa Makati City.
Ang biktima na nasawi dahil sa mga tama ng saksak sa iba’t ibang bahagi ng katawan ay kinilalang si Michael Sagun, 33, ng #63 B, Panday Pira St., Barangay West Rembo.
Agad na naaresto ang suspek na si Narciso Sejalbe, 21, nakatira din sa nasabing lugar.
Batay sa ulat, bago nangyari ang krimen dakong alas-9:30 ng gabi ay kainuman ng biktima ang kanyang dalawang bayaw na sina at Eddie Sejalbe, 33 at ang suspek.
Habang nag-iinuman ay biglang sinampal ni Narciso ang kanyang misis na walang dahilan kung kayat inawat ito ni Sagun.
Nairita si Narciso sa ginawang pag-awat ni Sagun, dahilan upang kumuha ng kutsilyo ang una at pinagsasaksak ang biktima na naging dahilan ng agaran nitong kamatayan.