MANILA, Philippines - Nauwi sa trahedya ang masasayang paliligo ng mga batang mag-aaral ng elementarya sa ilog matapos na malunod ang tatlo sa kanila kamakalawa sa magkakahiwalay na insidente sa Mandurriao District, Iloilo City.
Ayon sa ulat, dakong alas-4:00 ng hapon nang malunod ang dalawang Grade VI pupils ng Mandurriao Elementary School sa Brgy. Navais sa Mandurriao District na sina Dion Michael Sabillo, 12 ;at Ramy Monsale, 13, kapwa Grade VI pupils ng nasabing eskuwelahan nang magkatuwaan na maligo sa Navais River.
Namatay rin ang 7-anyos na si Anthony Mitchel Paredes, Grade 2 pupils sa nasabi ring eskuwelahan matapos namang malunod dakong alas-3:00 ng hapon sa ilog ng Brgy. Cabucan.