MANILA, Philippines – Hindi umubra ang sori ng biktimang si Irvin Lachica, 35, manager ng isang restaurant matapos siyang barilin ng isang lalaki na sakay ng motorsiklo na nakagitgitan niya sa kalsada habang sakay din ng motorsiklo sa Pasig City kahapon ng umaga.
Sa ulat,dakong alas-6:45 ng umaga sa Ortigas Ave. Brgy. Rosario ay sakay ang biktima ng kanyang motorsiklo papasok sa kanyang trabaho nang makagitgitan niya sa kalsada ang suspek na sakay din ng motorsiklo na walang plaka.
Humingi ng sori ang biktima,pero hindi ito tinanggap ng suspek at sa halip ay kinuha nito ang kanyang baril sa compartment ng motor at binaril ang biktima na tinamaan sa kanang paa.
Mabilis na pinaharurot ng suspek ang motorsiklo para tumakas habang ang biktima ay isinugod naman sa pagamutan ng ilang nakasaksi.