Negosyante nilikida sa bahay
MANILA, Philippines – Napatay ang isa na namang 79-anyos na negosyante matapos itong pagbabarilin ng mga di-kilalang kalalakihan sa kanyang bahay sa Barangay Sta. Cruz, bayan ng Alcia, Isabela kahapon ng madaling araw.
Sa police report na nakarating kay P/Chief Insp. George Cablarda, hepe ng Alicia PNP, pinasok ng mga di-kilalang kalalakihan ang bahay ng biktimang si Rolando Mari.
Gayon pa man, nakipagpalitan ng putok ang biktima subalit napatay din habang isinusugod sa Cacal Hospital.
Narekober sa crime scene ang mga basyo ng bala ng cal. 357 magnum, cal. 9mm pistol, cal. 22 revolver at Carbine rifle.?
Sa record ng pulisya, si Mari ang ikatlong negosyante na ang napapatay sa bayan ng Alicia simula pa noong Martes kung saan naunang pinatay ang negosyanteng si Jacinto Ulep sa Barangay Calaocan habang si Rogelio Pascua naman kasama ang pamangkin na si Edilberto Castillo ay pinagbabaril habang nakikipag-inuman sa Brgy. Rizaluna noong Huwebes.
- Latest
