MANILA, Philippines - Hindi na umabot ng buhay sa ospital ang 22-anyos na si Richard Cabredo ng Nitang St., Quezon City dahil sa tama ng bala sa kanang sentido matapos mag-Russian roulette kahapon ng madaling araw.
Batay sa ulat, bago nangyari ang insidente dakong alas-4:30 ng madaling araw sa loob ng isang bahay sa no. 75 Cariñosa St.,Villa Verde Subdivision, Brgy. Sta. Monica ay nandoon ang biktima nang kunin nito ang baril ng kaibigang si Julius Robillano.
Dito ay pinaglalaruan ng biktima ang baril na kalibre 38 sa pamamagitan ng Russian roulette na itinututok sa kanyang kanang sentido.
Sa una at ikalawang pagtatangka ay hindi ito pumutok at sa ikatlong beses ay pumutok na ito na tumagos sa kaliwang sentido kaya’t agad na dinala sa ospital, subalit namatay ito sa daan pa lamang.