5 patay sa flashflood, 3 nawawala
MANILA, Philippines – Iniulat ang pagkasawi ng limang katao habang 3 ang nawawala nang manalasa ang flashfloods sa tatlong barangay sa Valencia City, Bukidnon kamakalawa ng hapon.
Ang mga biktima ay kinilalang sina Baby Rose Batistil, 9, ng Brgy. Guinuyoran; Lea Luzano, 7; Jelove Badoy, 6; pawang ng Brgy. Tugaya; Gina Eroisa ng Brgy. Poblacion at ang sanggol na si Baby Eroisa, 6 buwan ng Brgy. Poblacion.
Habang ang mga nawawala ay nakilala namang sina Bobsky Batisil, 7, ng Brgy. Guinuyoran; Eddie Eroisa at Epifanio Canyamu, 23; ng Brgy. Poblacion.
Batay sa ulat, dakong alas-3:00 ng hapon nang rumagasa ang malakas na agos ng tubig baha sa Brgy, Guinoyuran, Tugaya at Poblacion pawang sa lungsod na ito.
Umaabot sa 103 pamilya o kabuuang 483 katao naman ang naapektuhan ng pagragasa ng baha na ang sanhi ay ang pag-apaw ng ilog dulot ng malalakas na pag-ulan sa lugar nitong nakalipas na mga araw.
- Latest
