MANILA, Philippines - Dead-on-the-spot ang isang magkapatid na lalaki nang mabundol ang kanilang motorsiklo ng isang pampasaherong jeep kahapon ng madaling araw sa Caloocan City.
Ang magkapatid na nasawi ay kinilalang sina Orwin Apin, 30; at Oscar Apin, Jr., 29, kapwa binata at residente ng no. 17 Alibangbang Street, Pangarap Village, ng naturang lungsod.
Batay sa ulat, dakong alas-12:30 ng madaling araw ay magkaangkas ang magkapatid sa Honda motorcycle (1468-TL) at binabaybay ang southbound lane ng Quirino Highway patungo sa Quezon City nang mag-overtake sa isang pampasaherong bus at nakasalubong ang isang rumaragasang pampasaherong jeep at nabundol sila.
Sa lakas ng pagkakabundol ay tumilapon ang magkapatid ng may 20 metro at bumagsak sa sementadong kalsada sanhi ng matinding pinsala sa katawan.
Sa halip na tulungan ng driver ng jeep ay tumakas ito tungo sa direksyon ng San Jose del Monte, Bulacan.