Alitan sa lupa: Mister inatado ng pinsan
MANILA, Philippines -Mistulang tinadtad na parang karne ang katawan ng isang 37-anyos na lalaki nang ito ay pagtatagain ng kanyang pinsan matapos na magtalo sa pinag-aagawang lupa na naganap kamakalawa sa Molave, Zamboanga del Sur.
Ang biktima na idineklarang dead-on-arrival sa Salug Valley Medical Center ay kinilalang si Ramil Monteverde.
Tumakas naman ang suspek na si Virgilio Monteverde Jr., nasa hustong gulang.
Sa ulat, dakong alas-10:50 ng gabi sa Brgy. Simata, Molave ay kasalukuyang nag-iinuman ang biktima at mga kamag-anak nito kasama ang suspek nang magkaroon ng mainitang pagtatalo sa pagitan ng dalawa tungkol sa umano’y pinag-aagawan na lupa.
Sa gitna ng pagtatalo ay bigla na lamang binunot ng suspek ang dalang itak at walang habas na pinagtataga ang biktima.
- Latest
