MANILA, Philippines – Namatay noon din ang isang miyembro ng Presidential Security Group (PSG) nang barilin nito ang ulo sa harap ng nobya na nagkuwento na may nagkakagusto sa kanyang manager naganap kahapon ng madaling-araw sa inuupahang aparment sa Quezon City.
Ang nasawi ay kinilalang si Corporal Prince Wilfred Gerona. 30, residente sa no. 217 Leyte Golf, Veterans Village, Brgy. Holy Spirit ng lungsod.
Batay sa ulat, bago nangyari ang krimen dakong alas-2:45 ng madaling-araw ay kapwa lasing na ang biktima, nobya nitong si Geraldine Casia, saleslady at kaibigan na si Fe Geno na nag-iinuman sa sala.
Naikuwento ni Geraldine sa nobyo at kay Fe na may nagkakagustong manager sa kanyang pinapasukan na ikinaselos ng labis ng biktima.
Galit na tumayo ang biktima at nagpunta sa kuwarto na sinundan ni Geraldine at nagpaliwanag sa nobyo na tila ayaw pakinggan.
Ilang sandali ay kinuha nito ang service firearm at itinutok sa kanang sentido at ipinutok na hindi napigilan ni Geraldine.
Ayon sa pulisya posibleng selos ang nagtulak sa biktima upang gawin ang pagpapakamatay.