Obrero nakaligtas sa granada, todas sa bala
MANILA, Philippines - Bagama’t nakaligtas sa kamatayan ang isang lalaki nang hindi sumabog ang granada na ibinato sa kanya noong 2011 ay hindi naman ito nakaligtas sa bala nang pagbabarilin ng tatlong lalaki kabilang ang mortal na kaaway kamakalawa ng hapon sa Malabon City.
Ang biktima na nasawi habang dinadala sa ospital ay kinilalang si Biato Dulfo, alyas “Yoyong”, obrero, 40-anyos ng Sitio 6 Dumpsite, Brgy. Catmon, ng lungsod.
Pinaghahanap naman ang tatlong lalaki kabilang ang mortal nitong kaaway na kinilalang si Christopher Bajar, residente rin ng naturang lugar.
Batay sa ulat, dakong alas-5:30 ng hapon ay pauwi na sa kanyang bahay ang biktima nang biglang harangin at sunud-sunod na pagbabarilin ng tatlong suspek saka mabilis na tumakas.
Batay sa record, na noong Abril 2011 ay pinagtangkaang patayin ni Bajar si Dulfo nang hagisan ng granada ang bahay ng huli na masuwerteng hindi sumabog.
- Latest
