MANILA, Philippines – Isang hindi pa nakikilalang totoy na pinaniniwalaang walang tirahan ang natagpuang palutang lutang sa isang ilog kamakalawa sa Soldiers Hills, Brgy. Molino 6, Bacoor City, Cavite.
Hindi pa nakikilala ang biktima na inilarawan na nasa pagitan ng edad 12-14, may kapayatan ang pangangatawan at nakasuot ng maong pants at walang pang itaas na damit.
Ayon sa pulisya, isa umanong batang hamog ang biktima na pagala gala lamang sa nasabing lugar.
May posibilidad anya na nalunod ang biktima dahil sa walang nakitang anumang sugat sa katawan o ulo.