Ulo ng obrero piniko ng kabaro
MANILA, Philippines – Namatay noon din ang isang 39-anyos na tile setter sa isang construction site nang hatawin ng piko ang ulo nito na bumaon sa sentido na naganap kahapon sa Pandacan, Maynila.
Ang nasawi ay kinilalang si Arnold Fuentes Palabrica, may-asawa at nanunuluyan sa Tripa De Gallena sa Pasay City.
Bumaon ang piko ng halos 6 na pulgada na tumama sa utak ng biktima.
Ang suspek na tumakas ay kinilalang si Bonimar Rodriguez, 28, mason at kasamahan ng biktima sa trabaho, residente ng Taguig City.
Sa ulat, bago nangyari ang krimen dakong alas-12:40 ng hapon sa itinatayong Peninsula Garden Midtown Homes na matatagpuan sa Quirino, Pandacan ay mahimbing na natutulog ang biktima nang hatawin ito ng piko ng suspek sa mismong sentido.
Sa salaysay ng mga kasama sa trabaho na may galit ang suspek sa biktima dahil pinakikialam umano nito ang cellphone at binabasa ang mga message at ikalawa nililigawan ng biktima ang pamangkin ng suspek.
- Latest
