MANILA, Philippines - Namatay sa maling akala ang isang 13-anyos na binatilyo nang hatakin nito ang isang kawad ng kuryente para ipantali sa kambing at nang hawakan at hilahin ay nagkikisay ito naganap kamakalawa sa Brgy. Lipacan, Malangas, Zamboanga Sibugay.
Ang nasawi ay kinilalang si Jayson Singol, Grade III pupil, nagtamo ng 2nd degree burn sa katawan.
Sa ulat ng Police Regional Office (PRO) 9, bago naganap ang insidente dakong alas-6:30 ng gabi sa bisinidad ng itinatayong bahay ng tiyuhin ng biktima na si Roque Galvi sa nasabing lugar ay nagtungo doon ang biktima kasama ang pinsan nitong si Ramil Galvi, 11 at pagkatapos ng ilang oras ay umuwi na ito.
Habang naglalakad ay napansin ng biktima ang nakalaylay na kawad na inakala nitong pantali sa kambing kaya’t hinawakan nito at hinila.
Subalit, bigla na lamang nagkikisay si Roque matapos na dumaloy sa katawan nito ang malakas na boltahe ng kuryente mula sa nakaladlad na live wire ng ZAMSURECO (Zamboanga del Sur Electric Cooperative).