3 sugatan sa dynamite fishing

MANILA, Philippines – Nasugatan ang tatlong katao kabilang ang isang 6-anyos na batang babae matapos na sumabog ang dinamita ng dalawang mangingisda na gamit nila kahapon ng umaga sa Rosario, Cavite.

Ang mga biktima na dinala sa St. Martin Hospital ay kinilalang sina Christine Convento, 6; Alfie Convento, 28 at Aldrin Zabra, 22, kapwa mangingisda at nakatira sa Aplaya, Brgy. Ligtong 1, Rosario, Cavite.

Sa ulat, dakong alas-8:00 ng umaga ay nag-uusap sina Alfie at Aldrin sa labas ng bahay habang hawak ng huli ang dinamita nang aksidenteng dumulas ito sa kamay at sumabog.

Nagtamo ng mga sugat sa katawan ang dalawa gayundin ang batang naglalaro lang sa loob ng bahay.