MANILA, Philippines - Nagmistulang leon ang isang 31-anyos na lalaki at hindi na nito pinatawad ang isang dalaga na pipi’t bingi na kanyang ginahasa sa harap mismo ng ama nito na isang paralitiko kamakalawa ng gabi sa Caloocan City.
Ang suspek na agad naaresto ay kinilalang si Francisco Tongco, hiwalay sa asawa, at residente ng F. Aguilar St., Bagong Barrio, ng naturang lungsod.
Batay sa ulat, dakong alas-11:00 ng gabi nang magtungo sa bahay ng biktima si Tongco at nagbigay ng P100 para pabaryahan.
Lumabas ang ina ng biktima upang pabaryahan ang P100, ngunit nang makabalik sa bahay ay nakita niyang nakapatong na ang suspek sa kanyang dalagang anak habang hindi ito matulungan ng ama na isa namang paralitiko.
Sinalakay ng ina ang suspek at pinagpapalo ng kahoy kaya’t nagtatakbo palabas dahilan para siya maaresto ng mga rumespondeng barangay tanod.