MANILA, Philippines - Hinambalos muna bago ginahasa ng isang lalaki na lango sa droga ang isang 64-anyos na lola naganap kamakalawa sa Brgy. Canuto Enerio, Gutalac, Zamboanga del Norte.
Ang biktima na itinago sa pangalang Lola Clara, biyuda at residente sa lugar ay nagtamo ng mga sugat sa ulo at iba pang bahagi ng katawan bunga ginawang paghampas ng suspek.
Agad din nadakip ng mga otoridad ang suspek na kinilalang si Darwin Campilan, 35, at naninirahan din sa nabanggit na barangay.
Sa ulat, bandang alas-3:30 ng madaling-araw ay galing ang biktima sa pangunguha ng panggatong sa kahuyan nang biglang harangin ng suspek sa daan at paghahampasin sa ulo saka hinila sa damuhan.
Nanlaban ang biktima, subalit pinagsusuntok siya ng suspek hanggang sa mawalan ng malay at saka hinalay.