MANILA, Philippines - Inihayag ng Department of Education na walang silang kautusan total ban ng cell phones sa mga eskwelahan matapos mamatay ang isang estudyante nang mahulog sa hagdanan ng kanilang eskwelahan sa Pasig City habang nagse-selfie.
“We allow cell phones in school but their use is regulated,especially inside the classroom and during public gatherings,” wika ni DepEd Secretary Armin Luistro.
Naglabas ng pahayag si Luistro matapos na mamatay si Christine Rosello, 14, third year high school student na nahulog mula sa ikatlong palapag ng Rizal High School habang nagse-selfie photo noong Hunyo 30.
Bumuo na si Luistro fact-finding team para maimbestigahan ang pagkamatay ni Rosello, na kung saan ay inamin ng pamilya na ito ay may history ng pagkahilo.
Nabatid na kasama ni Rosello ang classmate na si Hanah Jane Calces ng maganap ang aksidente habang nagse-selfie gamit ang cellphone ng huli.
Lumalabas sa resulta ng otopsiya na nagtamo si Rosello ng pagkabali ng mga buot at sugat sa likod ng ulo at ang nabaling buto ay tumusok sa kanyang baga.