Brodkaster itinumba ng tandem

MANILA, Philippines - Isa na namang radio brodkaster ang nadagdag sa talaan ng mga nasawi makaraang pagbabarilin ng hindi pa nakilalang dalawang lalaki na sakay ng isang motorsiklo kahapon ng tanghali sa Calapan City, Oriental Mindoro.

Kinilala ang biktima na si  Nilo Bacolo, brodkaster sa DWIM Radyo Mindoro na umano’y isa na lamang blocktimer sa kasalukuyan.

Sa ulat na sinabi ni Supt. Glicerio Cansilao, hepe ng Calapan City Police  bandang alas-12:00 ng tanghali nang pagbabarilin ang biktima  habang sakay ng motorsiklo malapit sa kanyang bahay sa Brgy. Lalud ng lungsod nang mga suspek na bigla na lamang sumulpot sa lugarang mga suspek.

Mabilis na nagsitakas ang mga suspek patungo sa hindi pa malamang destinasyon matapos na mapuruhan ang target.