MANILA, Philippines - Todas ang isang hindi pa nakikilaÂlang holdaper makaraang makipagbarilan sa mga pulis matapos holÂdapin ang isang ladyÂguard sa Brgy. Commonwealth, Quezon City kamakalawa ng gabi.
Ang suspek ay tinatayang nasa edad na 30-40, kayumanggi ang balat, katamtaman ang pangaÂngatawan na nasawi noon din dahil sa tinamong tama ng bala sa kanyang katawan.
Nakatakas naman ang isang kasamahan ng suspek at kasalukuyan ngaÂyong pinaghahanap ng mga pulis.
Ayon kay SPO4 Peter Wala-Wala ng Quezon City Police District-Station 6, ganap na alas-9:40 ng gabi ng maganap ang insidente sa Kagawad Road, Brgy. Commonwealth, Quezon City.
Bago maganap ang shootout, sinasabing hinoldap ng dalawang suspek ang biktimang si Melinda Librado, 50, security guard, ng Brgy. Muzon, San Jose del Monte, Bulacan sa Litex Road.
Tinangay ng mga suspek ang bag ng biktima saka mabilis na tumakas patungo sa direksyon ng Kagawad Road.
Nagreklamo naman ang biktima sa himpilan ng QCPD station 6 Batasan saka nagsagawa ng operasyon ang mga pulis sa pangunguna ni Senior Inspector Hector Ortencio.
Habang nagpapatrulya ang mga pulis sa naturang lugar ay na-ispatan ng mga ito ang mga suspek habang sakay ng motorsiklo at naghahanap pa ng kanilang bagong biktima.
Sinita ng mga pulis ang mga suspek subalit agad bumunot ng baril at pinaputukan ang mga awtoridad.
Gumanti naman ng putok ang mga pulis at nang mapawi ang putukan ay tumimbuwang ang isa sa mga suspek habang nakatakas naman ang isa pa.
Nabawi ng pulisya mula sa suspek ang isang kalibre 45 baril, isang maÂgazine na may bala.