MANILA, Philippines - Nabahiran ng trahedya ang isang outing sa beach resort sa bayan ng Lian, Batangas matapos na malunod ang isang pastor kamakalawa.
Ang biktima ay kinilalang si Danilo Butial, 59, Pastor sa Christ Life Prayer Ministry International (CLPMI) na nakaÂtalaga sa National HouÂsing Authority-Calauan Church na matatagpuan sa Brgy. Dayap, Calauan, Laguna.
Sa ulat bandang alas-7:00 ng umaga nang matagpuan ang bangkay ng biktima na nakalutang sa dagat sa tapat ng isang club house sa Brgy. Lumaniag, Lian.
Nabatid na bago ang insidente, bandang alas- 12:00 ng madaling-araw nang yayain ng biktima ang dalawa niyang miÂyembro na mamingwit ng isda sa dagat malapit sa tinutuluyan nilang cottage.
Sumama naman sina Arnold Gimoro, 40 at ÂAriel Reyno, 39 sa kanilang pastor, subalit bandang alas-2:30 ng madaling-araw ng nasabi ring araw ay napansin nilang nawawala ang biktima.
Ipinaalam nila ito sa mga kasamahan para hanapin ang pastor ang nawawalang pastor.
Matapos ang ilang oras na paghahanap ay natagpuan ang biktima na wala ng buhay na lumulutang sa dagat.