MANILA, Philippines - Mahigit kumulang na 100 sasakyan ang naabo matapos masunog ang isang pribadong impounÂding area na pag-aari ng isang towing company sa Pasay City kahapon ng umaga.
Sa ulat ni Fire Inspector Douglas Guiyab, ng Pasay City Police, dakong alas-5:00 ng umaga nang masunog ang impounÂding area na pag-aari ng SouÂthern Crescent Towing Company, na matatagpuan sa Gil Puyat Avenue, malapit sa Diokno St., ng lungsod.
Bigla na lamang suÂmiklab ang naturang impounding area dahilan upang masunog ang humigit kumulang sa 100 sasakyan na kinabibilangang ng ilang pampasaherong jeep, taxi at AUV.
Ang mga nasunog na sasakyan ay pawang na-impound mula sa illegal parking noong 2012 na siyang huling pag-operate ng Southern Crescent ToÂwing Company at umaÂbot ng isang oras bago naapula ang sunog alas-6:00 ng umaga.
Ayon sa caretaker ng impounding area na si Arturo Habulan na matagal nang pinaaalis sa naturang lugar ang impounding services at Oktubre 2013 nang makatanggap ng eviction notice ang may-ari nitong si Wilfredo Baltazar pero tumangging lagdaan ito.

Nabatid pa rito, na isang notice mula sa National Construction Corporation kaugnay ng halos P1 milÂyong upa sa lupa na hindi nabayaran ng natuÂrang toÂwing company hanggang noong Agosto 2013.


Inaalam pa ng mga otoridad kung magkano ang halaga nang napinsala at iniimbestigahan kung sinadya o aksidente lamang ang nasabing sunog.